Cómo preparar a arte final

Como preparar os arquivos?

Para a produción dun libro é necesario entregar os arquivos preferiblemente en PDF ou Indesign, desta maneira poderemos axustar calquera detalle técnico. Para ter máis precisión no corte, recomendamos que todos os arquivos teñan sangrado (bleed) de 3mm. Respecto ás tipografías, recomendamos enviar o documento coas fontes aparte ou ben trazadas en todo o documento para evitar problemas. Se o libro vai cosido en cadernos pequenos, o número das páxinas debe ser múltiplo de 4 ou 8, en calquera dos casos o número de páxinas ten que ser sempre par.

Que facer coas imaxes?

Se van en Indesign, adxunta as orixinais, en Illustrator, incrústaas e, se pola contra van en PDF, non terás que facer nada. Iso si, sempre deben ir en tiff a 300 dpi de resolución. Formatos como PSD, PNG, GIF, ou calquera outro formato de compresión web poden dar bastantes problemas. E, aínda que xa saibamos a diferenza entre CMYK e o RGB, lembra que todas as imaxes teñen que estar sempre en cuatricromía (CMYK FOGRA 39).

Como deseñar a portada?

A portada débese crear nun documento á parte do arquivo do libro, xa sexa en Indesign ou Illustrator. Se é un libro de tapa branda, o arquivo debe ter sangrado (bleed) de 3mm e un lombo mínimo de 2mm que posteriormente nós adaptaremos en función do número de páxinas e a gramaxe do papel empregado na tripa. Cando o libro é de tapa dura, o arquivo debe ter sangrado (bleed) de 20 mm. Á hora de deseñar este tipo de portada haberá que ter en conta o espazo para o cajo e o lombo.

IMPORTANTE

Antes de entregar os arquivos recomendamos facer un empaquetado (package) do documento con todos os elementos.