Papel e identidade corporativa: un tándem perfecto

Que queremos transmitir? Cales son os nosos valores? A quen nos diriximos? Como queremos que sexa a experiencia da persoa usuaria? Son algunhas das preguntas claves que nos facemos antes de desenvolver a imaxe de marca dunha empresa ou institución.

Unha boa identidade corporativa permitiranos dar unidade a todos os elementos comunicativos e crear unha percepción forte da nosa empresa. Porque cada unha das cores, tipografía, imaxes ou ilustracións que empreguemos deberán estar aliñadas coa filosofía de marca.

Pero como é unha boa identidade corporativa? A clave está, unha vez máis, en apelar aos sentidos.

Somos visuais e guiámonos polas sensacións, por iso, a imaxe, as texturas, os olores, deben estar coidados ao extremo para que a marca logre transmitir aquilo que a define.

Os papeis de Grafinco ofrecen innumerables posibilidades para proxectos de identidade corporativa. Destaca o papel estucado, pola súa versatilidade, diversidade de gramaxes e sobres a xogo.

Firmas de diferentes sectores apostaron polas sensacións que transmite o papel á hora de reflectir a forma de ser dunha marca en elegantes tarxetas de visita, coidados sobres e cartas, axendas, calendarios o invitacións que, ao recibilas, xa falan da calidade de quen as envía.

Os exemplos son innumerables. Todos eles reflicten o poder do papel á hora de desenvolver identidades potentes, capaces de xerar cultura corporativa, empatía e conexión coas súas audiencias.