Explosión creativa en tempos de Coronavirus

En  Grafinco encántanos coidar os detalles e que mellor que sorprender á nosa clientela nestes tempos de COVID-19 cunha idea orixinal e moi práctica.

Trátase dun estoxo para levar a túa máscara que encartado ten un tamaño de 5,5 x 9,5 cm, pouco  máis que  unha tarxeta de visita, ideal para  levar nun peto de camisa, pantalón  ou bolso, e así facilitarche o poder transportar a túa máscara cómoda e discretamente e poder gardala da forma máis hixiénica.

Este porta máscaras, fabricado nun material transpirable como o Polyart, que se pode  desinfectar tras o seu uso facilmente, resistente e flexible, protexerá a máscara ata o seu uso de posibles contaminacións accidentais.

Eliximos unha gramaxe o suficientemente alta como para afrontar sen problemas os procesos de acuñado e encartado. O seu deseño fai que o seu uso sexa moi fácil e rápido, e pode personalizarse incluíndo o logo, a mensaxe, a imaxe, a foto ou os datos que nos deas.

O proceso do packaging é puramente artesanal, manualmente cóidanse cada un dos detalles que esperamos que estes días poidas apreciar e che resulte unha boa opción para levar a nova normalidade.

Os estoxos sérvense nun lote de 3 unidades mínimo, por un  prezo de 9,90 € + portes. Para pedidos de  máis unidades  fariamos un  orzamento a  túa medida.

Encargas:  982 284 421 / grafinco@grafinco.gal