Grafinco e La Pizzería di Totó: unha colaboración con valor social

En Grafinco estamos moi orgullosos de anunciar o inicio da nosa colaboración con La Pizzería di Totó, que nos escolle como novo partner para o desenvolvemento do seu packaging. Trátase dun proxecto que nos ilusiona especialmente, non só polo reto creativo e produtivo que supón, senón tamén polos valores compartidos que hai detrás desta alianza.

La Pizzería di Totó confía en Grafinco para dar forma a todos os seus soportes de packaging, un elemento clave á hora de transmitir identidade de marca, coidado polo detalle e calidade. Un dos primeiros traballos froito desta colaboración foi o deseño e produción da “segunda pel” dos seus panettones, un produto emblemático no que o envoltorio xoga un papel fundamental para reforzar a experiencia do cliente.

Máis alá do aspecto gráfico, esta colaboración ten un importante compoñente social. Grafinco é un Centro Especial de Emprego de Iniciativa Social (CEEIS), integrado en COGAMI, cuxo principal obxectivo é a inclusión social e laboral de persoas con discapacidade. Que empresas como La Pizzería di Totó aposten por traballar con centros especiais de emprego é unha mostra clara de compromiso coa Responsabilidade Social Corporativa e cun modelo de negocio máis sostible e responsable.

Desde Grafinco queremos agradecer sinceramente a confianza depositada en nós e celebrar o inicio dun camiño conxunto no que calidade, deseño e compromiso social van da man. Colaboracións como esta anímanos a seguir traballando cada día para demostrar que outra forma de facer empresa é posible.