Grafinco vestiu o talento galego no Talavera GT 25 da man de Bandua Wargames

Do 31 de outubro ao 2 de novembro celebrouse en Talavera de la Reina o Talavera GT 25, o torneo por equipos máis grande do mundo de wargames e modelismo. Durante tres días centos de afeccionadas e afeccionados compartiron paixón, estratexia e creatividade nun evento de referencia internacional, no que Galicia tamén estivo presente con estilo propio, da man de Bandua Wargames e Grafinco.

Bandua Wargames volve confiar en Grafinco

A empresa lucense Bandua Wargames, referente no mundo do wargame e do modelismo, volveu confiar en Grafinco para dar forma as súas prendas personalizadas.
Desde o noso taller elaboráronse tanto as pezas de merchandising que Bandua vendeu no seu stand durante o evento, como o equipamento téxtil oficial dos equipos de Lugo que participaron no torneo.

Cada camiseta, suadoiro ou accesorio foi deseñado co obxectivo de reforzar a identidade de marca e facer visible o espírito de comunidade que caracteriza a Bandua Wargames, combinando deseño, calidade e funcionalidade.

A marcaxe téxtil como ferramenta de posicionamento de marca

En Grafinco especializámonos en marcaxe téxtil e roupa personalizada, creando prendas que axudan ás marcas a destacar e proxectar unha imaxe coherente e profesional.
A colaboración continuada con Bandua Wargames é un exemplo de como a personalización téxtil pode converterse nun aliado estratéxico de comunicación e posicionamento de marca.

Unha sinerxía que vai máis alá da roupa

A través destes proxectos, Grafinco non só fornece produtos, senón que acompaña ás empresas galegas na construción da súa identidade visual, adaptándose a cada contexto, desde eventos internacionais ata accións de venda e promoción local.