Solucións gráficas para eventos que marcan a diferenza: o caso Compostela Street 2025

Nun evento tan dinámico e visual como o Compostela Street 2025, cada detalle comunica. Desde Grafinco desenvolvemos unha solución gráfica integral adaptada ás necesidades do evento: personalizamos colectores de cartón para a recollida selectiva de residuos, combinando deseño, sostibilidade e axilidade na produción. Un exemplo real de como as nosas capacidades en deseño gráfico, embalaxe e impresión se poñen ao servizo de marcas que queren destacar tamén no espazo público.

Compostela Street 2025: un evento urbano que impulsa novas formas de comunicar

O festival Compostela Street 2025, celebrado no Campus Sur de Santiago, transformou o espazo urbano nun escenario de cultura, deporte e conciencia social. Durante dous días, disciplinas como o skate, o basket 3×3 ou o street workout conviviron con actividades de sensibilización e compromiso ambiental.

Foi neste contexto onde, dende Grafinco, puxemos en marcha unha proposta gráfica deseñada para unir impacto visual, funcionalidade e mensaxe de marca, respondendo a tres retos principais: sostibilidade, personalización e produción áxil.

A nosa proposta: colectores personalizados en cartón inxectado

Desde o deseño gráfico ata a impresión final, todo o proceso foi executado íntegramente polo equipo de Grafinco, demostrando a nosa capacidade para ofrecer solucións completas para feiras e eventos.

Que achegamos?

• Deseño gráfico personalizado: adaptación completa á identidade visual do cliente, incluíndo cores, mensaxes e tipografía.
• Producción en cartón inxectado: resistente, lixeiro, reciclable e ideal para espazos temporais con alto tránsito.
• Fabricación en pequenas cantidades e con prazos curtos: un dos nosos principais valores engadidos.

Ademais de servir como punto de recollida selectiva, os colectores funcionaron como soporte de comunicación e reforzo de marca dentro do evento.

O valor dunha solución integral

Este proxecto representa o que nos define en Grafinco:
– Escoitamos a necesidade concreta.
– Deseñamos unha solución visual atractiva e funcional.
– Producimos en pouco tempo e en tiradas curtas, mantendo a calidade.
– Adaptámonos á contorna do evento e aos obxectivos de cada cliente.

Porque unha solución gráfica non é só un soporte visual: tamén pode ser un elemento de interacción, de educación e de posicionamento de marca.

Conclusión: o teu evento, a túa imaxe

En Grafinco entendemos que cada evento é unha oportunidade para comunicar mellor. Por iso, ofrecemos un servizo completo en deseño gráfico, embalaxe e impresión, cun enfoque 100 % personalizado e flexible.

¿Organizas un evento e precisas unha solución gráfica impactante, sostible e funcional?
Fálanos.