Axenda COGAMI 2021

Non hai nada que cobicemos tanto como o tempo e tampouco hai nada que usemos peor. E aí o temos outra vez: nos días que imos pasar xuntos este 2021 haberá de todo. Feitos insólitos e extraordinarios, frases inspiradoras e radiantes, xogos, cores, bailes e risas. Pasearemos en compañía de xigantes e durmiremos  arrolados polo mellor que levamos dentro. Poida que mesmo cantemos, aínda que sexa desafinando. O peor non é non saber cara a onde imos senón non ter con quen. Así que vémonos no camiño que agora empeza.

Sexa cal for a túa posición de saída, trata cada un deses momentos coma se a túa vida fose a túa gran obra. Entre outras cousas, porque o é. Non sempre resulta fácil darse conta de que cada día é un agasallo, pero se o temos presente e saltamos ao paso das agora inimaxinables posibilidades que o futuro ofrece será máis sinxelo atravesar o ano cun sorriso. Só teremos que coidar o noso tempo. Ou, polo menos, tentalo. En calquera caso, non te lamentes polo tempo perdido: esa é a peor perda de tempo.

Calquera ano pode ser o teu ano. Calquera mes pode ser o mes da túa vida. Aínda que polo camiño vaias atopar de todo. Aínda que haxa días radiantes e días para esquecer, acertos felices e erros desgraciados, alegría e tedio, sorpresas e decepcións. Calquera ano pode ser o teu ano e tes un enteiro esperándoche.

Para acompañarche neste novo ano preparamos as seguintes páxinas. Con elas e contigo pretendemos lanzarnos con máis alegrías que quebrantos a por o ano que empeza. Imos?

Grafinco axudarémosche a coidar o teu tempo, utiliza esta axenda.

Número de páxinas:  336 páxs

Tamaño:  17 x  24 cm

Encadernación:  Portada. offset reciclado 80 gr. / Interior. Cartulina reciclada con solapa doble de 300 gr.